Uppgávurnar hjá Yrkisútbúgvingarráðnum eru í høvuðsheitum at ráðgeva landsstýrismanninum í viðurskiftum, sum hava við yrkisútbúgvingar at gera.

Uppgávurnar eru m.a.:

• at fylgja við samfelagsgongdini og nýggjum vinnumøguleikum, so ráðið kann ráðgeva landsstýrismanninum um, hvørjar yrkisútbúgvingar eiga at vera settar á stovn og hvørjar eiga at vera niðurlagdar ella avtiknar
• at fylgja við verandi útbúgvingum, so at ráðið kann ráðgeva landsstýrismanninum og geva honum tilmæli um tørvin á at samskipa útbúgvingarnar betur og møguliga leggja útbúgvingar saman
• At ráðgeva landsstýrismanninum um útbúgvingarreglur, td. hvørjar lærugreinir hoyra til ávísu útbúgvingarnar
• At ráðgeva landsstýrismanninum um reglur, ið snúgva seg um viðurskiftir, sum hava við skúlapartin av yrkisútbúgvingunum at gera. Til dømis: próvtøkur, sveina- og yrkisroyndir, døming, burturvísing av lærlingi úr skúla, frávik, læraraførleika, skiftisreglur, oa.
• At gera reglur um verkligu læruna
• Tilnevna Yrkisnevndina og góðkenna viðtøkur fyri arbeiðið hjá henni